Edicions jorn :: literatura occitana contemporanea

Max Roqueta (1906-2005) a enauçat al cimèl mai naut de dignitat e de sens l'escritura occitana del sègle XX.

Es l'autor, despuèi la debuta de las annadas trenta, d'una òbra que sa diversitat de formas e de tèmas exclús pas una granda unitat de ton e d'ambicion.

Prosator, li devèm cinc volums de racontes publicats per ara, jol títol general de Verd Paradís (traduccions en francés, anglò-american, alemand...) D'unas d'aquelas pròsas foguèron legidas per Nada Strancar en agost de 1993 al Festenal d'Avinhon (dins l'encastre de « Textes nu », sul convit de la Societat dels Autors e Compositors Dramatics).

Poèta enfin, Max Roqueta a bastit despuèi son primièr recuèlh, Los Sòmis dau matin (1937), un univèrs de mots e de figuras simbolicas particuliarament pivelant, qu'a revelat tota sa prigondor amb los Saumes de la nuòch e Lo Maucòr de l'unicòrn.

Lo siti de Max Roqueta : www.max-rouquette.org

Max Roqueta dins lo nòstre catalog :
D'aicí mil ans de lutz