Las edicions Jorn publican despuèi 1981 las òbras poeticas occitanas mai contemporanèas. En privilegiant las edicions bilingüas e en publicant tanplan los grands noms del XXen coma las nòvas voses de uèi.
Novèlas parucions 2023
Mina de plomb, Mina de ren, de Cecila Chapduelh
Reedicion dels Sonets de Bernat Manciet
Bernat Manciet, Enric Espieut, Robèrt Lafont...
2023, annada del sovenir
Per las edicions Jorn, l'annada 2023 es l'annada del sovenir : sovenir de tres grands poètas occitans que se celèbra lor centenari aqueste an e qu'aguèrem lo privilègi d'editar. Totes tres foguèron las figuras d'elèit d'una generacion que donèt tota sa mesura tre la fin de la darrièra guèrra e que contunha de nos noirir e de nos inspirar.
De Bernat Manciet (27 de setembre 1923 - 3 de junh 2005) publiquèrem los Sonets en 1996. Lo recuèlh essent agotat, lo tornarem editar pels cent ans de l'autor.
Enric Espieux (1923 - 1971). En 2018 e 2019, gràcias al trabalh de Clara Torreilles, publiquèrem la quasi totalitat de sa poesia, en dos volumes : Tròbas I recampant los poèmas escriches de 1947 à 1960, Tròbas II los poèmas de 1960 à 1971.
Robèrt Lafont (16 mars 1923 - 24 juin 2009). Sèm uroses de poder presentar en quatre volumes tota la poesia de Robèrt Lafont :
Poèmas 1943 - 1984, publicat en 2011, que recampa los recuèlhs de la primièra part de sa vida ; La Gacha a la cistèrna
(1998) ; Cosmographia monspessulanensis (2000) ; Lo viatge grand de l'Ulisses d'Itaca (2004),
traduccion occitana vèrs a vèrs de la part centrala de l'Odissèa.
Ofèrta del centenari
En aqueste an de centenaris, propausam a nòstres legeires una ofèrta valable tota l'annada 2023 :
Los dos volumes d'Enric Espieut a mièg prètz : 25 € al luòc de 50 €
Los quatre volumes de Robèrt Lafont a mièg prètz : 38 € al luòc de 76 €
Telecargar lo bon de comanda del centenari
Podètz cambiar de lenga pel ligam en naut esquèrra
Se volètz conéisser nòstra actualitat e las darrièras parucions, mercé de mandar un corrièl a nòstra adreiça contact@editions-jorn.com