Causissètz un tròç :
Bernat Lesfargues | Max Allier
| J-Maria Petit
Claudio Salvagno | J-Ives Casanova | J-Ives Roier | Aubin Bonnet | Nicole Drano
Joan-Maria Petit
Petaçon (troces)
Version francesa | Version originala en occitan
Darrièr lo mur desboselat
I aviá un palm de cèl abandonat
Un armàs
Un soc de pomièr
Una pèl de sèrp
E la marca dins l'èrba
D'un òme e d'una femna
Qu'aicí s'èran aimats
Lo temps d'una cançon.
Una crotz dins lo vent
Portava lo rovilh
De la dolor del monde
E la temptacion de l'espèr.
~~
Violonaire
Aviá gitat son violon dins lo potz
E quand posava un ferrat d’aiga
I aviá totjorn qualque esclapon de sa musica
Que nadava dins lo sorelh.
Testard, acabèt mòrt de set.
Extrach de "Petaçon"