Joan-Ives Roier : Lo caladaire
1997. Poëma occitan, amb una version francesa de l'autor
AGOTAT
[Extrach de l'introduccion]
« Aqueu tèxte es naissut dei circonstàncias que vaquí.
En 1995 lei Rescòntres de Sant-Chartier festejavan son vinten anniversari. Avián comandat per aquò a Miquèu Montanaro un espectacle
de creacion, que clavèsse la fèsta. Per èsser la votz d’Occitania, Montanaro causiguèt Renat Sette, e me demandèt d’escriure per eu
un tèxte que metriá puei en musica.
Renat Sette rèsta a Mana, a tres quilomètres de mon ostau. De son mestier fai lo maçon, mai d’un biais un pauc especiau : ensenha lei tecnicas tradicionalas de la maçonariá de nòstrei païs, coma son lei mortiers de caucina, la pèira eissucha, lo caladar… En 1994, qu’èri ieu cònsol-ajonch de Forcauquier, li aviáu fach tornar caladar nòstra montada de la Ciutadèla e la carriera Sant-Mari. D’aqueu temps, aviá eu començat de cantar en òc, e trabalhaviam ensems lo cant tradicionau de Provença auta. Adonc me venguèt tot d’un temps de li escriure un tèxte sus lo caladatge, e de li donar la forma dei « romances » qu’èran una part de son repertòri de cantaire. Auqueu tèxte inspirèt au Montanaro una musica (compausada per la votz pron particulara de Renat, curbent lei dos registres de bariton e de còntra-tenòr).
Per tant, aguent agut en comanda una autra creacion, me demandèt Miquèu de li donar de tèxtes mieus, que ne’n faguèsse una tria per compausar tot un espectacle, tornarmai ambé Renat. Mai puslèu que d’aquò far, trobèri mai interessant d’escriure quauqua ren especialament. Tornèri prendre la cançon qu’aviáu facha per Sant-Chartier, li imaginèri un avans, un après, e son lei dotze cants d’una cantadissa que Montanaro aguèt de metre en musica.
Lo Caladaire es estat creat a La Garda lo 17 d’octòbre de 1996, cantat per Renat Sette, acompahat a l’acordeon de Miquèu Montanaro, a la guitarra adobada de Sèrgi Pesce, e mai a la batariá de Fabrici Gaudé. »
Joan-Ives Roier
À propos de Joan-Ives Roier | Retorn al catalòg
Lo caladaire
de Joan-Ives Roier
Amb una version francesa de l'autor
Format : 14 x 22,5 / 52 paginas / ISBN : 2-905213-11-6
Preitz : 7,50 €