Edicions jorn :: literatura occitana contemporanea

Antologia bilingue. 2004. Coedicion amb Le Temps des Cerises

L’antologia de la nòva literatura occitana que nos prepausa Giovanni Agresti presenta mai d’un títol d’interés.

Primièr, ven comolar un voide, que nos porgís un panorama de la literatura occitana que s’es escricha entre 1980 e 2000, jos la pluma de la generacion que seguiguèt la dels fondators de l’institut d’estudis occitans coma Max Roqueta o Robèrt Lafont. Prepausa tanben de tèxtes d’autors plan joves encar’a, coma Aubin Bonnet o Silvan Chabaud, mas tanben de poèmas de Felip Gardy o Jan-Luc Sauvaigo, que son eles de la generacion precedenta e an pas jamai quitat d’escriure. Dona a legir los genres tant narratius coma poetics e totas las varietats linguisticas, del gason (Eric Gonzalès) o del lemosin (Joan Ganhaire) fins al niçard (Jan-Luc Sauvaigo, Alan Pelhon), en tot passant pel lengadocian (Alem Surre-Garcia, per exemple) e lo provençal (Gardy, Casanova, Miniussi), sia 22 autors en tot.

Son partit pres de presentar pas d’escrivans nascuts après la guèrra, sens per aquò negar l’importància de la generacion d’abans, es per mostrar lo dinamisme e la modernitat d’una escritura qu’a pas quitat de se renovelar dempuèi quasi mila ans, sens cap de rompedura, e dubèrta a las influéncias pus recentas e a l’exemple dels ancians prestigioses.

Lo ponch de vista decentrat de son autor italian, liure dels prejutjats exagonals e de tot enrasigament territorial, ajuda a una mesa en perspectiva inedita de la literatura occitana.

Per finir, son caractèr bilingue, la revirada en francés estent presentada amb de comentaris en francés tanben fa qu’aquela antologia es de bon legir per totes los legeires.

A prepaus de Giovanni Agresti  |   Retorn al catalòg

Antologia de la nòva escritura occitana[1980-2000]
de Giovanni Agresti.
Format : 14 x 19,5  /  242 paginas  /  ISBN : 2-84109-494-4
Prètz : 14 € - Co-edicion amb "Le Temps des Cerises"

Jean-Marie Pieyre, Jean-Yves Royer, Florian Vernet, Jean Ganhaire, Jean-Yves Casanova, Michel Miniussi, Adeline Yzac, Alain Pelhon, Jean-Luc Sauvaigo, Francis Gazanhes, Roland Pécout, Jean-Claude Forêt, Claudio Salvagno, Jan Dau Melhau.