Vous pouvez changer de langue par le lien en haut à gauche
L'Aubanelenco (Marcelle Drutel)
Li Desiranço / L'Élan des désirs
2024. Bilingue. Edicion de Jean-Yves Casanova, Estelle Ceccarini, Jean-François Courouau, Emmanuel Desiles e Cécile Noilhan
La publicacion en 1933 del recuèlh Li Desiranço de Marcello Drutel marca una data dins la poesia provençala e l'escritura femenina. Marcello Drutel (1897-1985) aviá pres
coma nom de pluma l'Aubanelenco, per admiracion pel poèta d'Avinhon, Teodòr Aubanel. Coma el, aquela felibressa enarta dins son recuèlh lo desir a l'estat brut, donant
a-de-reng la paraula a l'aimador e a l'aimaritz, dins una mena de diari poetic d'un ton fòrça liure. Aquò's tot bèl just aquela libertat, aquel lirisme sensual desplegat
sens retenguda per una femna, que fa escande a son epòca e constituís la noveltat de l'òbra.
Ai pausa mi tetoun tendramen sus toun pitre,
E toun cors a freni dóu frusta de ma car.
Sa reedicion prèp d'un sègle mai tard serà saique desprovesida del perfum d'escande de la parucion originala. Cèrca solament de rendre la complexitat del tèxte e son afogament, en lo replaçant dins lo contèxte de son espelison. Se trobarà en annèxe la tièra de las variantas, un dorsièr sus la genèsi e la recepcion de l'òbra, qualques elements biografics e un tablèu de la generacion d'escriveiras en lenga d'òc que i aperteniá.
Li Desiranço
L'Élan des désirs
de Marcelle Drutel
Format : 14 x 22 / 240 pages / ISBN : 978-2-905213-59-4
Preitz : 22 €