Adelina Yzac
D'enfança d'en fàcia
1998. Amb una version francesa de l'autor
« Un bon tròç de malur me ten la vita, prigond coma un potz que cèrca l’aiga mai lonh que lonh dins las raiç de la tèrra, un bon tròç de
malur, un bon tròç d’injustícia… Coma aquò me’n vau vos dire aquels talhons de mon enfança, coma tirariái qualquas enigmas de l’ombra. »
Aquela confidéncia al lindal dona lo ton dels dos racontes que caupon dins aqueste volum. Doas enfanças d’en fàcia çai nos son contadas.
D’en fàcia, del costat ombrenc de la carrièra, del costat del malur, dins aquel vilatge ont tot se sap, ont tot se cala. Una primièra
enfança, la de la pichòta Madalena Plancassanha violada pel Monsur, lo Regent, enfança conchada, negada de vergonha e de silenci.
Una segonda, la del Toena Bòrda, tròp aimat, mal aimat per una maire possessiva que l’embuca e lo transforma en babòta mostrosa.
Se lo Toene Bòrda es salvat per la jove estrangièra venguda d’Argeria, quina redempcion pòt esperar la paura Madalena ?
Dins l’occitan de son vilatge entre Dordonha e Vesèra, un lengadocian d’accent limosin, que sèrva tota son espessor e tot son natural, Adelina Yzac, plan luènh de tot ponciu e de tot pintoresc, nos conta lo malur que ne foguèt testimòni dins son enfança urosa e que la marquèt d’una nafradura definitiva. Nos porgís mai que dos racontes : dos poèmas que lor fòrça emmascanta nos torna la violéncia facha al feble per d’adultes indignes o muts e nos acara a l’indicible, a l’innommable.
A prepaus de Adelina Yzac | Retorn al catalòg
D'enfança d'en fàcia
de Adelina Yzac
Amb una version francesa de l'autor
Format : 14 x 22,5 / 79 paginas / ISBN : 2-905213-14-0
Preitz : 10 €