Joan-Luc Sauvaigo
Compendi derisòri dau desidèri
Compendium dérisoire du désir
2007. Poëmas occitans, amb una version francesa de l'autor
Artista dels talents multiples, poèta, cantaire e compositor, dessenhaire tanben, Joan-Luc Sauvaigo nos porgis despuèi quaranta
ans un biais d'escriure e de crear unic en domeni d'òc e d'una fonsa originalitat. Escriu despuèi l'extrèm orient occitan, dins
un niçard sonhosament penchenat, mas dobèrt a totas las paraulas del mond. Embegut de subrerealisme, noirit de la contra-cultura
americana e de sa musica, jazz, blues, folk, rock, aquel beatnik perdut de la nissarditud a pas quitat de crear jos
l'estelum d'una tripla utopia : Occitània, poësia e Revolucion, que i es demorat pinhastrament fidèl, fins a se pèrdre en
ela, que las utopias son mòrtas, pareis...
Tanben aquel palhasso universal fa lo bilanç antologic, lo compendi, d'aquelas trenta annadas de « desidèri » revolucionari. Aital se compren la coëréncia d'una òbra-vida vodada tota al servici de quimèras meravilhosas, essencialas e mai vitalas, cristallizadas sul mite de l'Ontàrio, qu'anava recampar tot un grop d'amics musicians, rebèls e farcejaires. Amb l'elegància desesperada del dandy, l'autò-derision del palhasso, la melancolia esquiçanta del looser magnific, Joan-Luc Sauvaigo s'inscriu dins la linhada dels nomadas immobils, dels grands somiaires del quotidian e dels poètas maldiches. Dos còps maldich d'èsser occitan.
Compendi derisòri dau desidèri
Compendium dérisoire du désir
de Joan-Luc Sauvaigo
Amb una version francesa
Format : 14 x 22,5 / 238 paginas / ISBN : 978-2-905213-33-7
Preitz : 21 €